في العاشره من فقري!! في السبعين من قلقه !! خذ هالدبشيه كسرت متني!! وين أمك؟ في المطبخ (أسم مجازي لصندوق من الزنك مخرم من كل جهه كضمير الكثير من 000000عطني ماء (تلفت)، قل لأمك تسوي تساي (شاي) راسي يوجعني.. أبي ريااال،، أبوك خلني أحط ,,,,,, على القاع عوذه !! تعال تعرف تحسب؟ أيه 000فلوس 000أبوك ماهي فلوس 00غديني غلطان دللت على سبع شياه شقر هذا أول فال بيعن ثنين وعقب على ثلاثه وعنزين وبيعن كلهن0كم صارن؟(سبعهمن)* خمس ريالات خمسه وثلاثين والدبشيه بثنعش كم بقىثلاث وعشرين يبه0ابي الثلاثه0تبي أبو خبيث لا وأبو هدلان!!أنقلع جبلي مركى تعطيني ريال0أعطيك عساني ملقى هالزول (مدري متى تعلم)؟!!أتيت بالمركى نظر إليّ أبتسم أخرج (من ساكيته الممزقه)شيئاً شبيهاً (بالبوك) فتحه فإذا به شبيه لفم معرّف يتكلم عن (السنع) في ذلك الوقت مرآه دائريه صغيره مكسوره من أحد أقطارها (جلم) مقراض صغير ورقه قد وجدها لايعلم لما وضعها في بوكيه المجازي الثلاث والعشرون ريال حصيلة ذلك اليوم دس يده0 أخذ ريالاً مده إليّ مع مفردة (تستاهل) لا أظن أنه يعني ذلك لكن مايهم هو الريال في لمح البصر وإذ به قريب من فمي (بسته) كان برائحة الصوف قال لي لا تروح (همز) رجليّ وظهري من قبل لا تطلع الشمس وانا واقف أفيييييه كتوفي كتوفي.. أبي أرقد بسلام لم تحمل كتفيك إلا الخفيف الحلال ريالاتك لم تخالطها إلا رائحة الصوف..
1/5/1429هـ
بقلم: الشاعر رواف الرسلاني..
