صيدة الديدحان
يقول من عَدّاَ على راسِ عــالي
رجمن طويلن مذهلن كل قرناس
في راس مرجوم عسير المنالي
تلعب به الأرياح مع كل نسناس
في مهمهن قفرن من الناس خالي
يشتاق لهْ من حَس بالقلب هوجاس
قعدت فـي راسـه وحيـدن لحالـي
اَهوجس بلجات الافكـار غطـاس
مثل الرعود اللي بعصف الليــالي
ترسم بروق و تحبس اَنفـــــــاس
متذكرن في مجلسي وش جرالي
صَفقتْ بالكفين ياس على يـــاس
اخذت اعد ايامها والليــــالي
دنيا تِقَلبْ ماعرفنا لها قياس
كم فرقت ما بين غالي وغــــــالي
لو شفت منها ربح ترجع للافلاس
دوارة دنيا مالها اول وتــــــــــالي
لو اضحكت للغَبن تقرع بالاجراس
المستريح اللي من العقل خالي
ماهو بلجات الهواجيس غطاس
من هو بمثلي مشكلاتة جلالــــــي
امسيت اَسجلهن بحبرن وقرطاس
حملي ثقيل وشايله باحتمالــــــــي
واَصبر على مُر الليالي والاتعاس
وارسي كما ترسي رواسي الجبالي
ولا يشتكي ضلع عليــــه القدم داس
يا بجاد شب النار وانشد للهلالي
واحمس لنا يا بجاد ما يقعد الراس
لا خاب ظني بالرفيق الموالي
ماني مخاويهم على كايد الناس
يقول من عدا على رأس عالي
رجمن طويلن مذهلن كل قرناس
لعل قصرن ما يجيله ظلالــــي
ينهد من عالي مبانيه للساس
لا صار ما هو مقصد للرجالي
وملجا لمن يتشكي الظيم والباس
البوم في تالي هدامه يلالـــــــــي
جزاك يا قصر الخنا وكر الادناس
تهوي بسبخة رجها ارعاش اليالي
يقلبن منك السقف مطرح الســـــاس
و يمسي مراحه دارس العهد بالي
ردمن بسبخة ما بها أوناس
حُسناك يا منشي حقوق الأمانــــي
يا خالق اجناسن ويا مفني اجناس
متى تِخضر دارنا والمفالي
اِفياض برياضن وقمحن و بسباس
نشوف فيها الديدحان يلالي
مثل الدباج بخصر مرقوق الالعاس
وينثر على البيدا سوات الزوالي
يشرق حَمَاره شرقة الصُبغ بالكاس
ونرفع بيارق العز عالــــــــــــي
وتصير دارنا مهبط العز للناس
حُسناك يا منشي حقوق الأمــاني
يا خالق اجناسن ويا مفني اجناس
تقبل رجا قوم الليالي
وتسرّي عني وتدفع الباس بالباس
==========================بقلم: محمد عبيدالله
نيويورك