| يا علي ناوي! رواف الرسلاني | ||
| لا ضاقت الأرض في رواف وعلومه | ||
| صارت مثل قصة الطرماان والراوي | ||
| وفي عزه الظهر قمت أحسب نجومه | ||
| من صفعة الوقت والأيام ماتاوي | ||
| طرى عليّه صديق الطيب وسلومه | ||
| شرقاوي القلب والتفكير نجداوي! | ||
| إن قلت للطيب رجلٍ نافذ كمومه | ||
| والله مافيه مثلك يا علي ناوي | ||
| ضعيف بنيه ولكن مالٍ هدومه | ||
| وبعيني البحر الأحمر عند جداوي | ||
| يسعد صباحاات طيبٍ عطر يشمومه | ||
| كنه بخشم المعزب ريحة الجاوي | ||
| لو ينعرف طيب العرباان بوسومه | ||
| ماكان بالناس يظهر ياعرب غاوي | ||
| ولو إن جوال علي تسولف رقومه | ||
| يمديه شاكي رقومي قال فوضاوي | ||
| أدق يعرفه صوتٍ تظهر همومه | ||
| كنه مخصص لصوت الحزن ومداوي | ||
| من دون ما أشكي يبادر طارت النومه؟! | ||
| أقول طارت ولا أعرف وش أنا ناوي | ||
| كل ما أتنهض وأمد الرجل للقومه | ||
| جا حمل غير الحمول وردني ثاوي | ||
| كل ماتقدم بي الأيام مرحومه | ||
| قمت أترحم لماضي لو هو مأساوي | ||
| لو حل فيني ماحل أقول مقسومه | ||
| ماراح لا من زعلت أقول للهاوي | ||
| أهومه المرتفع وأطيح وأهومه | ||
| كن أسفل الضلع شيخ وجيته فداوي | ||
| والعمر دربٍ طويل وتكثر رجومه | ||
| ويمرك الذيب وأبو حصين والواوي | ||
| ومن خلقت الناس ممدوحه ومذمومه | ||
| لأن البشر طبعها ماهو بمتساوي | ||
| وكلٍ بعقله وتفكيره ولا ألومه | ||
| وكلٍ بليلاه يا ذيبان ليلاوي | ||
رائعة ، جداً جداً ومعبرة !
ردحذفوكلن بليلاه يا ذيبان ليلاوي
لو حل فيني ماحل أقول مقسومه
ردحذفماراح لا من زعلت أقول للهاوي
حلووووووووووووووووووووووووو
والله صفعة الوقت ماتاوي أبد أبد ..
ردحذفقصيدة في منتهى الروعة والجمال
تقبل تحياتي وصح لسانك يا شاعرها
صح لسااااااااااااااااانك
ردحذفصح لسانك أبو فايز ..
ردحذفننتظر المزيد هنا..
تحياتي لك فهد وأتمنى لك التوفيق والازدهار
صح لسانك ....
ردحذفمبدع !
كبير يالرسلاني و الله اني احبك لله
ردحذفشاعر مبدع ورئع
ردحذفصح لسانك !!
ردحذفشاعر شاعر كبير احبك في الله يالرسلاني وعسى ماشر غيبتك الاخيره / استراحة محارب ان شاء الله
ردحذفمحبك عايد - الحدود الشماليه