قصيدة الليل : رواف الرسلاني
| الليل | ||
| الليل يسرج خيل الأحلام والويل | ||
| هذبتها وأثر المدى شمس وضلال | ||
| ما قلت لك ركض الزمن يقهر الخيل | ||
| وين أنت يوم العمر يضحك له الفال | ||
| مشيت لك لآخر مدى ياصل الحيل | ||
| و ضيفتني حفنة معاذير وجفال | ||
| نوخت لك حلو السوالف مباهيل | ||
| و أقفيت كني شاتم العم والخال | ||
| قهويتني مر المفارق فناجيل | ||
| نقض العهد عندك معاميل ودلال | ||
| لاجيتني ماني على ماضي القيل | ||
| ماعاد أنا اللي هزته لفحة الشال | ||
| لو كنت أرضٍ ممحله وأنت لي سيل | ||
| موت العطش رحبه السهل والجال | ||
| وعيب العذر لا شاب روس الرجاجيل | ||
| يعير وجه المعتذر عمر الأطفال | ||
القسم:
ثقافة وفنون